القُفَّة لازم نِرجعوا نِستَعملوها هكّاك نقضيوا نِهائيَّا عَلى البلاستيك وُ شكايِر البلاستيك.
وَلاَّت القُفَّة تَوَّ مِزيانة بَرشة وُ وَلاّت تِتزَيّن وُ تِتِطرَز وُتِتبَرقَش وُ ماعادِش نِستَعملوها كان لِلقَضيَة. ننَّجموا نِستَعملوها زادَة بِش نُخرجوا وَإلّا بِش نحُطّوا فيها دبَش وَإلّا بِش نِمشيوْا بيها لِلبحَر.
القُفّة التّونسِيّة مَخدومَة بِالحَلفَة وَ إلاّ بِالسَمّار وَ إلاّ بِالسّعَف بِالأخَص في المَناطِق كيما قابس وإلاّ القصرين هِي خفيفة وُ تشِدّ مليح .