تِبنَى جامَع تَستور في القَرن 17. وُ عَندُ خاصِيَّة، يا سيدي في السُّمعَة متاعُ فَمّا مُنڤالة أمّا المنڤالة هَذي موش أيّ منڤالة ، عقارِبها تدور بِالمَقلوب وُ الأعداد زادَة مَكتوبين بِالمَقلوب مَثلا في بلاصِة ما تِلقى 12 تِلقى 21.
علي الكندي جَدّ عبد الحليم الكندي يقول اللّي الأَندَلُسِيِّـين يِخافوا مِن العين وُكيف يَعملوا حاجَة يعملوا فيها حاجة يا ناقصَة يا زايدة وُ فَمَّ شكون يِقول اللّي هِيَ مُحاولَة لِلرّجوع بالتوالي في التاريخ في وَقت الأندلسيين قبَل الركنكيستا.
في العالم أجمَع ما فمّا كان 3 مناڤل تِخدِم هَكّ بِالمقلوب: متاع تستور ، متاع حومة اليهود في براڤ في جمهوريّة التشيك و متاع سانتا ماريا دال فيور في فلورانس في إيطاليا
مُنڤالة جامَع تَستور قَعدِت 300 سنة ماتِخدِمش وُ في نوفمبر 2014 تعاونوا الألمان وُ التوانسَة وُ تصَلّحِتْ.